گوجرانوالہ: والدہ کی ڈانٹ ڈپٹ سے دلبرداشتہ چھٹی جماعت کے طالب علم نے اسکول میں خود کو فائر مار کر خودکشی کی کوشش کی ،طالب علم کو طبی امداد کے لیے سول ہسپتال منتقل کردیا گیا ہے۔
تفصیلات کے مطابق تھانہ سیٹلائٹ ٹاون کے علاقہ ڈسپوزل روڈ پر واقعہ سکول کے چھٹی جماعت کے طالب علم اسامہ نے والدہ کی ڈانٹ ڈپٹ سے تنگ آکر کمرہ جماعت میں خودکو فائرمار کر شدید زخمی کرلیا، جیسے طبی امداد کے لیے سول ہسپتال منتقل کر دیا گیا ہے، جہاں اسامہ کا آپریشن جاری ہے۔
واقعہ کے بعد پولیس کے اعلی افسران بھی موقع پر پہنچ گئے۔
مزید پڑھیں : راولپنڈی:4 بہنوں اور ایک بھائی کی خودکشی کی کوشش
پولیس کے مطابق طالب علم اسامہ نے اپنی والدہ کی ڈانٹ سے تنگ آکر یہ قدم اٹھایا، طالبعلم کو اسلحہ کہاں سے ملا اور اسکول کے اندر اسلحہ کیسے لے گیا، اسکول سیکیورٹی پر بھی سوالات اٹھ گئے ہیں۔
پولیس نے اسکول پرنسپل رانا عارف کو حراست میں لے لیا گیا ہے جبکہ بچے کے والدین سے بھی تحقیقات کی جا رہی ہیں۔
واقعہ کے بعد اسکول میں شدید خوف وہراس پھیل گیا ہے، طلبعلوں کا کہنا ہے کہ اسامہ گذشتہ دو تین دن سے پستول لارہا تھا لیکن کسی نے نوٹس نہیں لیا۔
