کویتی عدالت نے حال ہی میں وزارت صحت سے کویتی خاتون ڈاکٹر کو نوکری سے نکالنے کا حکم جاری کیا اور یونیورسٹی کے سرٹیفکیٹ کی جعلسازی پر 3 لاکھ دینار کا بھاری جرمانہ بھی کیا گیا۔
اس سے قبل ملزمہ پرپبلک پراسیکیوشن نے، پبلک سیکٹر کی ملازمہ کی حیثیت سے، سول سروس کمیشن (سی ایس سی) میں جعلی سرٹیفکیٹ جمع کروا کر غیر قانونی طور پر عوامی فنڈز حاصل کرنے کا الزام لگایا تھا، ملزمہ نے جعلی ڈگری کی بدولت 150,000 دینار کی کل تنخواہ وصول کی تھی۔
اس کے علاوہ، اس نے غلط ڈیٹا فراہم کیا اور اس مقصد کے لئے غیر قانونی طریقوں کا استعمال کیا، جس کے نتیجے میں اسے طبی پیشہ اختیار کرنے کا لائسنس جاری کردیا گیا۔
یہی نہیں ملزمہ نے ایک دستاویز بھی بنائی جو کہ وزارت اعلیٰ تعلیم کی طرف سے جاری کی گئی تھی، جس میں اس بات کی تصدیق کی گئی تھی کہ اس کی یونیورسٹی کا سرٹیفکیٹ اصل ہے، غیر مستند نہیں ہے۔
ملزمہ کو فوجداری عدالت نے پہلے سات سال قید کی سزا سنائی تھی لیکن اپیل کورٹ نے ایسی سزا دینے سے منع کیا اور پھر اس پر غیر قانونی طور پر حاصل کی گئی تنخواہ سے دوگنا جرمانہ بھی عائد کردیا گیا۔
ملزمہ دو سال کے لیے اچھے اخلاق کا عہد جمع کرنے کی پابند ہے اور اسے 3,000 دینار پر رہائی نصیب ہوسکتی ہے۔ کورٹ آف کیسیشن نے اپیل کورٹ کے فیصلے کو برقرار رکھا۔
