باغبانی یا زراعت ایسی شے ہے جس کی اہمیت میں دن بدن اضافہ ہوتا جارہا ہے۔ ماہرین کا کہنا ہے کہ بدلتے ہوئے موسموں اور مستقبل میں بڑھتی آبادی اور کم ہوتی غذائی اشیا کے مسئلے سے نمٹنے کے لیے زیادہ سے زیادہ باغبانی کی ضرورت ہے۔
تاہم باغبانی ایک وقت طلب کام ہے جس کے لیے آپ کو باغبانی کے طریقوں، موسموں اور پودوں کی افزائش وغیرہ کے بارے میں مکمل معلومات ہونی ضرور ہیں۔
دو ایسی ہی باغبانی سے نابلد دوستوں نے ایسا پورٹیبل گارڈن تخلیق کیا ہے جس میں بہت معمولی محنت سے مختلف پودے اگائے جاسکتے ہیں۔
ایک ڈبے میں موجود اس ننھے سے گارڈن میں پودے اگانے کے لیے گول دائرے اور کھاد کے پیکٹ موجود ہیں جن میں پہلے سے بیجوں کی آمیزش کی جا چکی ہے۔
گارڈن میں پودوں کو پانی دینے کا خود کار نظام اور پودوں کو درکار روشنیاں بھی نصب ہیں۔ آپ کو صرف یہ کرنا ہے کہ گارڈن کے واٹر ٹینک کے خالی ہوجانے کے بعد اسے دوبارہ بھرنا ہوگا۔
اس گارڈن کو آپ گھر میں کہیں بھی رکھ سکتے ہیں اور اس کے لیے زیادہ جگہ بھی درکار نہیں۔
یہ گارڈن کم مقدار میں مختلف سبزیاں اور پھل بھی اگا سکتا ہے۔
