سینئر صوبائی وزیر مریم اورنگزیب نے کہا ہے کہ جب تک پلاسٹک بیگ پر پابندی نہیں لگتی اسموگ ختم نہیں ہوسکتی۔
تفصیلا ت کے مطابق پنجاب حکومت کی سینئر وزیر اور پاکستان مسلم لیگ ن کی مرکزی رہنما کا کہنا تھا کہ پنجاب میں ماحول دوست پالیسوں کا نفاذ کرنے جارہے ہیں۔
سینئرصوبائی وزیرمریم اورنگزیب نے کہا کہ آلودگی کو ختم کرنے کے لیے ماحول دوست ٹرانسپورٹ متعارف کروا رہے ہیں۔
مریم اورنگزیب کا مزید کہنا تھا کہ پنجاب کی تاریخ میں سب سے بڑی شجر کاری مہم شروع کرنے جارہے ہیں۔
واضح رہے کہ پنجاب کے دارلحکومت لاہور سمیت اکثر شہروں میں اسموگ ایک بڑا مسئلہ بن چکی ہے جس کی شدت کے باعث روز مرّہ زندگی کے معمولات متاثر ہوتے ہیں۔
پلاسٹک بیگز یا کوڑا کرکٹ جلانے کی وجہ سے فضا میں زہریلا دھواں پھیلا تا ہے جو بعد ازاں اسموگ کا باعث بنتا ہے جس کے باعث کئی حادثات بھی رونما ہوچکے ہیں۔
