ترانہ: البانیہ کے پارلیمنٹ میں اجلاس کے دوران اسموک بم چل گیا، جس سے ایوان میں افراتفری مچ گئی۔
غیر ملکی میڈیا رپورٹس کے مطابق البانیہ کی پارلیمنٹ میں حکومتی ارکان اور اپوزیشن کے درمیان دو ماہ سے کشیدگی جاری ہے، تاہم اپوزیشن ارکان نے اس وقت تو حد کر دی جب انھوں نے ایوان میں اسموک بم چلا دیا۔
جیسے ہی مکمل اجلاس شروع ہوا، سابق وزیر اعظم سلیجا بریشا کے گروپ سے تعلق رکھنے والے ڈیموکریٹس نے احتجاج شروع کر دیا، اور اسمبلی کے داخلی دروازے پر ریپبلکن گارڈ سے ہاتھا پائی کی۔
اپوزیشن اراکین کا احتجاج اسمبلی ہال میں بھرپور تصادم کی شکل اختیار کر گیا، اور انھوں نے کاغذوں اور کرسیوں کو آگ لگا دی، اور اسموک بم پھاڑ دیا جس سے ایوان میں زبردست ہلچل مچ گئی، اور پارلیمنٹ کا مکمل اجلاس شور شرابے کی نذر ہو کر ختم ہو گیا۔
An MP of the Democratic Party, Albania's biggest opposition party, lights a colored smoke bomb in protest during a parliament session in Tirana, Albania. More photos of the week: https://t.co/wdk5bTuM4H @FlorionGoga pic.twitter.com/n8AaWWmlD9
— Reuters Pictures (@reuterspictures) November 25, 2023
اپوزیشن کا کہنا تھا کہ پارلیمنٹ میں انھیں بولنے نہیں دیا جا رہا ہے، جب کہ حکومت کی جانب سے کہا گیا کہ پارلیمنٹ میں کشیدگی کرنے والوں سے سختی سے نمٹا جائے گا، پارلیمنٹ کی خاتون صدر لِنڈیتا نکولا نے اسمبلی میں آگ لگانے پر رکن پارلیمنٹ فلجامور نوکا کو اجلاس سے باہر نکال دیا۔