The news is by your side.

Advertisement

سماجی فاصلہ رکھنے کا خطرناک انداز، دیکھنے والے دنگ رہ گئے ، ویڈیو وائرل

لندن : کورونا وائرس کی عالمی وبا نے لوگوں کو اپنوں سے دور کردیا ہے، حکومت کی جانب سے لاگو کی گئیں احتیاطی تدابیر پر  پابندی سے عمل کیا جارہا ہے۔

اس حوالے سے برطانیہ کے شہر باتھ کے رائل وکٹوریہ پارک میں ایک عجیب منظر دیکھنے میں آیا جس کی ویڈیو سوشل میڈیا پر خوب وائرل ہوئی۔

غیر ملکی خبر رساں ادارے کے مطابق  پکنک منانے کیلئے آنے والا ایک نوجوان سماجی فاصلے کی ہدایت پر خطرناک انداز میں عمل کرتے ہوئے ایک اونچے درخت کی سب سے اوپری اور نازک شاخ پر چڑھ کے بیٹھ گیا۔

پارک میں60 فٹ کے درخت کے اوپر بیٹھا نوجوان پکنک سے لطف اندوز ہورہا تھا تو دوسری جانب اسے دیکھنے والے اپنے دانتوں میں انگلیاں دبائے اسے حیرت سے دیکھ رہے تھے۔

دوستوں کا ایک گروپ برطانیہ کے شہر باتھ کے رائل وکٹوریہ پارک میں پکنک کے غرض سے آیا تھا، اس واقعے کو وہاں موجود ایک شہری33 سالہ ڈائی بیرو نے اپنے کیمرے میں محفوظ کرلیا اور بعد میں اسے سوشل میڈیا پر شیئر کردیا جس کا دلچسپ عنوان تھا "معاشرتی دوری اپنے بہترین حد تک”۔

اس ویڈیو کو بناتے ہوئے ڈائی بیرو نے اس بات پر بھی حیرت کا اظہار کیا کہ یہ شخص اتنے اونچے درخت پر چڑھا کیسے اور اب اترنے کیلئے کون سا طریقہ استعمال کرے گا، مجھے لگتا ہے کہ اس کے پاس بھی دوربین بھی ہے۔

23جولائی کو شیئر کی جانے والی اس ویڈیو کو اب تک ہزاروں لوگ دیکھ چکے ہیں اور حیرت زدہ ہوکر کمنٹس میں اپنی رائے کا اظہار کررہے ہیں۔

Comments

یہ بھی پڑھیں