کراچی: پاکستانی ڈرامہ انڈسٹری کی معروف اداکارہ سونیا حسین نے سوشل میڈیا پر تصویر شیئر کرتے ہوئے شاعرانہ انداز اپنایا جسے مداحوں کی جانب سے پسند کیا جارہا ہے۔
تفصیلات کے مطابق اے آر وائی ڈیجیٹل کے ڈرامے ’ایسی ہے تنہائی‘ میں مرکزی کردار ادا کرنے والی اداکارہ سونیا حسین نے سماجی رابطے کی ویب سائٹ انسٹاگرام پر نئے فوٹو شوٹ کی تصویر شیئر کی جس میں وہ سرخ رنگ کا لباس اور جیولری پہنی ہوئی ہیں۔
سونیا حسین نے اپنی پوسٹ کو ایک شاعرانہ کیپشن دیتے ہوئے لکھا کہ ’میں نے بھی کیا تھا پیار کبھی، آئی تھی یہی جھنکار کبھی۔‘
اداکارہ نے گزشتہ روز انسٹاگرام پر اپنی یہ تصویر پوسٹ کی جسے اب تک ہزاروں کی تعداد میں صارفین پسند کرچکے ہیں اور مداحوں کی جانب سے اس پر تبصرے بھی کیے جارہے ہیں۔
واضح رہے کہ سونیا حسین نے حال ہی میں اپنا یوٹیوب چینل بنایا ہے اور اس موقع پر ان کا کہنا تھا کہ یوٹیوب چینل بنا لیا ہے، لہٰذا ویڈیوز دیکھنے کے لیے چینل کو سبکسرائب کریں۔
یاد رہے کہ سونیا حسین اپنے کیریئر کے دوران متعدد ڈراموں اداکاری کے جوہر دکھائے، اے آر وائی ڈیجیٹل کے ڈرامے ’ایسی ہے تنہائی‘ میں ان کی اداکاری کو مداحوں کی جانب سے خوب پذیرائی ملی تھی۔
