جنوبی وزیرستان : پاک فوج کی جانب سے جنوبی وزیرستان میں خواتین کو خودمختار بنانے کیلئے ڈیجیٹل اسکلزٹریننگ پروگرام کا آغاز کردیا گیا۔
تفصیلات کے مطابق جنوبی وزیرستان میں خواتین کوخودمختاراورخود کفیل بنانے کیلئے حکومت کے تعاون سے پاک فوج کی طرف سے ڈیجیٹل اسکلزٹریننگ پروگرام شروع کردیا گیا۔
پروگرام کے تحت سولہ سالہ تعلیم کی حامل بے روزگار خواتین کو ڈیجیٹل اسکلز اور فری لانسنگ کے ذریعے پیسے کمانے کا ہنر سکھایا جاتا ہے۔
ماہر اساتذہ کے زیر نگرانی خواتین کو بہتر تربیت فراہم کی جارہی ہے، اس سلسلے میں پاک فوج نے تمام تر اقدامات کئے ہوئے ہیں، خواتین مرضی کےمطابق کورسزمیں ڈیجیٹل اسکلز پروگرام میں شرکت کررہی ہیں۔
ڈیجیٹل اسکلز سے خواتین نہ صرف انفار میشن ٹیکنالوجی بلکہ آئی ٹی سے منسلک دیگر شعبے میں بھی صلاحیتوں کو بروئے کار لاسکتی ہیں۔
علاقے کے مشران خصوصاً خواتین نے ڈیجیٹل اسکلزپروگرام کےانعقادپرپاک فوج کا شکریہ ادا کیا۔
