اسلام آباد: چیئرمین پی ٹی آئی عمران خان کے خلاف مقدمے کے سلسلے میں پولیس نے اسپیشل جے آئی ٹی تشکیل دے دی۔
تفصیلات کے مطابق سابق وزیر اعظم کے خلاف مقدمے میں پولیس نے خصوصی مشترکہ تحقیقاتی ٹیم بنا دی ہے، جس کے کنوینئر ڈی آئی جی آپریشنز سید شہزاد ندیم بخاری ہوں گے۔
قانون نافذ کرنے والے دیگر اداروں کے نمائندے بھی جے آئی ٹی کے ممبر ہوں گے پولیس حکام کا کہنا ہے کہ اسلام آباد پولیس قانون کی عمل داری کے لیے کوشاں ہے۔
پولیس حکام نے کہا کہ اسلام آباد پولیس کے افسران کے خلاف پروپیگنڈا اور بے بنیاد الزامات منصوبے کا حصہ ہیں، پولیس نے تمام ملزمان کو عدالتوں میں پیشی کے دوران سیکیورٹی فراہم کی،
حکام نے کہا کہ مقدمات قانون کے مطابق درج ہوئے ہیں اور ان پر کارروائی ہو رہی ہے، اسلام آباد پولیس قانون کی حکمرانی نافذ کرنے کے لیے تمام وسائل بروئے کار لا رہی ہے۔
Comments
- Advertisement -
