اسکوئڈ گیم نیٹ فلیکس پر سب سے زیادہ ہٹ شو ہے، جس سے نہ صرف پلیٹ فارم کو بہت سے سبسکرائبرز ملے بلکہ آمدنی میں بھی اضافہ ہوا۔
کانٹینٹ کےلیے نیٹ فلیکس ایشیا کی وائس پریزڈینٹ منیونگ کم نے اسکوئڈ گیمز کو میگا ہٹ بنانے کے راز سے پردہ اٹھاتے ہوئے بتایا کہ یہ حکمت عملی کچھ ایسی تھی کہ مقامی مواد کو ترجیح دی جائے اور اس میں کامیابی ملی۔
ایک حالیہ تقریب میں نیٹ فلیکس کے اعلیٰ افسر نے بتایا کہ جب میں نے اسکویڈ گیم شروع کیا، تو ہم اسے ایک عالمی شو کے طور پر نہیں دیکھ رہے تھے نہ اس کےلیے کوشش کی تھی۔
منیونگ کم نے کہا کہ ہم ہمیشہ ایسی کہانیوں کی تلاش کرتے ہیں جو مقامی مارکیٹ میں موثر کارکردگی دکھائے، جس کی کہانی واقعی ہمارے مقامی سامعین کے دل کو چھونے والی ہو۔
اسکوئڈ گیم کا تیسرا اور آخری سیزن کب ریلیز ہوگا؟ اعلان ہوگی
کم نے بتایا کہ ہم ‘اسکویڈ گیم’ کی کامیابی کو نقل کرنے کی کوشش نہیں کر رہے ہیں، ہم ہمیشہ ایسے ٹائٹل کی تلاش میں رہتے ہیں جو مقامی مارکیٹ میں واقعی اچھا پرفارم کرے اور مقامی مارکیٹ میں ہمارے سامعین کو محظوظ کرے۔
ان کا کہنا تھا کہ اسکوئڈ گیم کی کہانی مقامی طور پر مستند کہانی ہے اس کی کہانی سے لوگ اتنے متاثر ہوئے کہ واقعی عالمی سطح پر اسے بہترین پذیرائی ملی۔
