سری لنکا میں صدارتی انتخابات کے لیے ووٹنگ کا عمل مکمل ہوتے ہی ملک بھر میں کرفیو نافذ کر دیا گیا ہے۔
سری لنکن میڈیا کے مطابق صدارتی انتخابات کے لیے ووٹنگ کا مکمل ہوتے ہی جزیرہ نما ملک کے طول وعرض میں کرفیو نافذ کر دیا گیا ہے اور سرکاری حکام کا کہنا ہے کہ عوام کی حفاظت یقینی بنانے کے لیے کرفیو نافذ کیا گیا ہے۔
پولیس میڈیا ڈویژن کے ترجمان کا کہنا ہے کہ کرفیو صبح 6 بجے تک نافذ رہے گا تاہم اس دوران لازمی خدمات والے محکموں کے اہلکاروں کو استثنی حاصل ہوگا۔
کرفیو کے نفاذ کے بعد کولمبو کی سڑکوں پر سیکیورٹی حکام کا گشت جاری ہے جبکہ مختلف علاقوں میں چیک پوسٹیں بھی قائم کر دی گئی ہیں۔
بیرون ملک سفر سے واپس آنے والے افراد کو بھی مشورہ دیا گیا ہے کہ وہ اپنے ہوائی ٹکٹ اور دیگر سفری دستاویزات کو کرفیو پاس کے طور پر استعمال کریں۔
واضح رہے کہ سری لنکا میں دو سال قبل ہونے والی شورش کے بعد پہلے صدارتی الیکشن کا انعقاد ہوا اور گزشتہ روز الیکشن کے لیے پولنگ ہوئی۔
