آئی سی سی کی جانب سے سری لنکا ٹیم کی رکنیت معطل ہونے کے بعد لنکن کھلاڑیوں کے لیے ایک اور بُری خبر آگئی۔
سری لنکن ٹیم آئی سی سی ورلڈکپ کے بعد چیمپئنز ٹرافی 2025 سے باہر ہوگئی ہے، سری لنکا کی ٹیم اب چیمپئنز ٹرافی میں کوالیفائی نہیں کرسکی۔
آئی سی سی ورلڈ کپ میں سری لنکا نے مچیز میں سے صرف 2 میچ ہی جیت سکی جبکہ 7 میچز میں شکست کا سامنا کرنا پڑا۔
یاد رہے کہ 2025 کی چیمپئنز ٹرافی میں آٹھ ٹیمیں حصہ لیں گی، پاکستان میزبان کی حیثیت سے ٹورنامنٹ میں پہلے ہی شامل ہے۔
اس کے علاوہ بھارت، جنوبی افریقہ، آسٹریلیا،نیوزی لینڈ اور افغانستان پہلے ہی کوالیفائی کر چکی ہے جبکہ بنگلہ دیش اور انگلینڈ نے رن ریٹ کی بنا پر کوالیفائی کرلیا ہے۔
پاکستان میں ہونے والی 2025 چیمپئنز ٹرافی میں ویسٹ انڈیز اور زمبابوے کی ٹیمیں شامل نہیں ہوں گی۔
ویسٹ انڈیز اور زمبابوے اکو 2023 کے ون ڈے ورلڈ کپ میں جگہ نہ بنانے کی وجہ سے آئی سی سی چیمپئنز ٹرافی ٹورنامنٹ کے لیے کوالیفائی کرنے کا موقع نہیں ملا۔
واضح رہے کہ آئی سی سی ورلڈ کپ پوائنٹس ٹیبل کی ٹاپ 8 ٹیمیں 2025 میں چیمپئنز ٹرافی کھیلیں گی۔
