The news is by your side.

Advertisement

مقبوضہ کشمیر، بھارتی فوجیوں نے بارہ مولہ میں ایک نوجوان شہید کر دیا

قابض انتظامیہ نے چیئرمین حریت فورم میر واعظ عمر فاروق کو سری نگر کے گھر میں نظر بند کردیا

سری نگر : مقبوضہ کشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران ہفتہ کو ضلع بارہ مولہ کے علاقے اوڑی میں ایک نوجوان کو شہید کردیا۔

شمیر میڈیا سروس کے مطابق فوجیوں نے نوجوان کواو ڑی کے علاقے بونیار میں بجٹلان کے مقام پر محاصرے اور تلاشی کی کارروائی کے دوران شہید کیا۔

بھارتی فوجیوں نے ضلع پلوامہ کے علاقوں دربگام اور منگہار میں بھی ایسی ہی کارروائیاں شروع کیں اور جموں خطے کے علاقے کشتواڑ میں ہفتہ کو مسلسل دوسرے روز بھی تلاشی کی کارروائی جاری رکھی۔

بھارتی فوجیوں نے گزشتہ رات ضلع پلوامہ کے علاقے رومشی میں ایک ڈرائیور پر فائرنگ کر کے اسے زخمی کر دیا۔ دریں اثنا قابض انتظامیہ نے حریت فورم کے چیئرمین میر واعظ عمرفاروق کوہفتہ کو سرینگر میں گھر میں نظر بند کر دیا, بھارتی پولیس نے حریت رہنما مختار احمد وازہ کو اسلام آباد قصبے سے گرفتار کر کے قصبے کے شیر باغ تھانے میں نظر بند کر دیا۔

کل جماعتی حریت کانفرنس نے سری نگر سے جاری ایک بیان میں حریت چیئرمین سید علی گیلانی کو گزشتہ روز کشمیر یونیورسٹی سرینگر میں ایک کتب میلے میں شرکت سے روکنے پر قابض انتظامیہ کی مذمت کی۔ انتظامیہ نے سید علی گیلانی کو میلے میں شرکت کیلئے گھر سے باہر نہیں آنے دیا اور انہیں مسلسل نظر بند رکھا۔

Comments

comments

یہ بھی پڑھیں