کراچی : سوئی سدرن گیس کمپنی (ایس ایس جی سی) نے سندھ اور بلوچستان بدترین گیس لوڈ شیڈنگ کا اعلان کردیا، 24 گھنٹے میں سے صرف 8 گھنٹے گیس دستیاب ہوگی۔
تفصیلات کے مطابق سندھ اوربلوچستان میں قدرتی گیس استعمال کرنے والوں کیلئے بری خبر آگئی، ایس ایس جی سی نے بدترین گیس لوڈ شیڈنگ کا اعلان کردیا۔
سوئی سدرن گیس کمپنی کا کہنا ہے کہ 24گھنٹے میں سےصرف8گھنٹے گیس دستیاب ہوگی،ا صبح 6 سے 9، دوپہر 12 سے 2 اور رات 6 سے 9 بجے تک گیس مہیا کی جاسکے گی۔
کمپنی نے بتایا کہ ایس ایس جی سی کو 350 سے 400 ایم ایم سی ایف ڈی گیس کی کمی کاسامنا ہے۔
ذرائع کا کہنا ہے کہ شہرقائدکےاکثرعلاقوں میں گیس نہ ہونےاورلوپریشرنےلوگوں کی زندگی اجیرن ہے جبکہ شہر کے گنجان علاقوں میں گیس کے لو پریشر کا فی الحال کچھ بھی نہیں کیا جاسکتا ہے۔
ذرائع کے مطابق گیس کی قلت کےباعث دو دراز علاقوں کیلئےلو پریشر کا مسئلہ جاری رہ سکتا ہے۔
ایس ایس جی سی کے ایل پی جی سلنڈرز کی فروخت میں ریکارڈ اضافہ ہوگیا ہے ، ڈیمانڈ میں 2 ہزار فیصد سے زائد اضافہ ہوا۔
ذرائع کا کہنا تھا کہ ایل پی جی سلنڈر کی ڈیمانڈ کا 60 فیصد جبکہ ڈی ایچ اے اور باقی چالیس فیصد پورے شہر میں ہے۔
