کراچی: کم گیس پریشر اور لوڈ شیڈنگ سے متاثرہ صنعتوں کو مزید پریشانی کا سامنا کرنا پڑے گا۔
سوئی سدرن گیس کمپنی( ایس ایس جی سی) کے مطابق سسٹم میں شدید کمی کے باعث انڈسٹری اور کیپٹو پاور کی گیس 3 سے 5 جون بند رہے گی۔
ترجمان کا کہنا ہے کہ ایس ایس جی سی نے تمام انڈسٹریل ایسوی ایشن کو آگاہ کر دیا، گیس میں کمی اور لائن پیک متاثر ہونے سے 3 جون 8 بجے سے 5 جون 8 بجے صبح تک گیس بند رہے گی۔
ترجمان کا کہنا ہے کہ 3 سے 5 جون تک گیس استعمال کرنے والی انڈسٹری کے خلاف سخت کارروائی کی جائے گی، خلاف ورزی کرنے والا کا کنکشن 7 دن تک منقطع کیا جاسکتا ہے۔
دوسری جانب ایکسپورٹرز کا کہنا ہے کہ 3 دن گیس کی بندش سے صنعتی پیداوار متاثر ہوگی، پہلے سے توانائی کی کمی کا شکار برآمدی صنعتون کو برآمدی آرڈرز پورے کرنے میں مشکل ہورہی ہے اب گیس بند کرنے سے برآمدی صنعتوں کو گیس کی بندش سے حکومت کا بر آمدی حدف متاثر ہو گا۔
