کراچی : حکومت سندھ نے ایس ایس پی ملیر عرفان بہادر کو بدعنوانی کے الزمات میں ان کے عہدے سے برطرف کردیا ہے۔
اس حوالے سے ذرائع کا کہنا ہے کہ ایس ایس پی ملیر عرفان بہادر زمینوں پر ناجائز قبضے اور جعلی مقدمات بنانے میں ملوث پائے گئے ہیں۔
ذرائع کے مطابق اس کے علاوہ ایس ایس پی ملیرعرفان بہادر قبضہ مافیا کی پشت پناہی میں بھی ملوث پائے گئے۔
کراچی: ایس ایس پی ملیر عرفان بہادر کیخلاف سندھ حکومت کا اقدام، شکایت کی تحقیقات کے بعد ایس ایس پی کی چھٹی کردی گئی#ARYNews pic.twitter.com/zwZBV5b8pT
— ARY NEWS (@ARYNEWSOFFICIAL) February 16, 2023
ذرائع کا مزید کہنا ہے کہ وزیراعلیٰ ہاؤس کو موصول ہونے والی شکایت پر ایس ایس پی عرفان بہادر کیخلاف تحقیقات کی گئی تھیں۔ جس کی رپورٹ آنے کے بعد کارروائی کی گئی۔
واضح رہے کہ آج انسپکٹر جنرل پولیس سندھ غلام نبی میمن کے دستخط سے جاری نوٹیفکیشن کے تحت ضلع ملیر کے سینئر سپرنٹنڈنٹ پولیس آپریشنز اور ایس پی انویسٹی گیشن سمیت 4 پولیس افسران کی تقرریوں اور تبادلوں کے احکامات جاری کیے گئے ہیں۔