امریکی اسٹیٹ ڈپارٹمنٹ کی عربی زبان کی ترجمان ہالا ریرٹ نے واشنگٹن کی غزہ پالیسی پر استعفیٰ دے دیا۔
محکمہ خارجہ کی عربی زبان کی ترجمان نے غزہ کے بارے میں بائیڈن انتظامیہ کی پالیسی کی مخالفت کی وجہ سے اپنے عہدے سے مستعفی ہو گئیں۔
ہالا ریرٹ دبئی ریجنل میڈیا ہب کی ڈپٹی ڈائریکٹر بھی تھیں اور 2006 میں فارن سروس میں بطور پولیٹیکل آفیسر شامل ہوئیں۔
انہوں نے سوشل میڈیا پر لکھا کہ میں نے 18 سال کی ممتاز خدمات کے بعد امریکا کی غزہ پالیسی کی مخالفت کرتے ہوئے اپریل 2024 کو استعفیٰ دے دیا۔
ہالا امریکی سفارت کاروں کے اس سلسلے میں تازہ ترین کڑی ہے جو غزہ پر بمباری جاری رکھنے پر اسرائیل کی غیر مشروط حمایت کے طور پر تنقید کرتے ہوئے اپنے عہدوں سے دستبردار ہو گئے ہیں۔
اسرائیلی فوجی مہم 7 اکتوبر کو حماس کے حملے کے بعد شروع ہوئی جس میں اب تک 34,000 سے زائد فلسطینی شہید ہو چکے ہیں۔
جوش پال، جو کہ اسٹیٹ ڈیپارٹمنٹ کے بیورو آف پولیٹیکل ملٹری افیئرز میں ڈائریکٹر تھے اکتوبر میں مستعفی ہو گئے۔ انہوں نے غزہ کی موجودہ جنگ کے تناظر میں اسرائیل کو ہتھیار فراہم کرنے کے بائیڈن انتظامیہ کے فیصلے سے اپنے اختلاف کا بھی حوالہ دیا تھا۔
