کراچی : دس ماہ بعد بازیاب ہونے والی ننھی عائشہ اور والدہ کا بیان سامنے آگیا، بچی کا کہنا ہے کہ گھر آکر اچھا لگ رہا ہے خوش ہوں۔
تفصیلات کے مطابق کراچی میں مزار قائد سے 14 اگست کو بچی کے مبینہ اغوا کے واقعے میں ماں باپ 4 سال کی عائشہ کو لے کر سولجربازار تھانے پہنچ گئے۔
4 سالہ عائشہ اور والدہ نے اے آر وائی نیوز سے گفتگو کی ، بچی نے بتایا کہ گھر آکر اچھا لگ رہا ہے خوش ہوں، انکل کام نہیں کرتے تھے۔
بچی کی والدہ نے کہا کہ بچی جس فیملی سےآئی وہ اچھے لوگ تھے، فیملی نے بچی کا خیال رکھا، اچھےکپڑے دیے۔
والدہ کا مزید کہنا تھا کہ بچی کو لے جانے والا سمیر بیابان جنگل میں رہتا تھا، بجلی، گیس نہیں تھی، وہ تھوڑا نفسیاتی تھا،بچی کو تھپڑ بھی مارتا تھا۔
والدہ نے کہا کہ بچی کی گمشدگی کی وجہ سے میرے شوہرکی طبیعت خراب ہوگئی تھی، چاہتی ہوں قانونی کارروائی جلدمکمل کی جائے۔
گذشتہ روز گزشتہ سال چودہ اگست کو نمائش چورنگی لاپتہ ہونے والی عائشہ دس ماہ بعد والدین مل گئی تھی، دس ماہ بعد جب بیٹی ماں کو ملی تو پہچان نہ سکی۔
والدہ کا کہنا ہتھا کہ دس ماہ جس کرب میں گزرے ناقابل بیان ہے، بیٹی کو ڈھونڈنے کیلئے ہر ممکن کی کوشش کی، بیٹی کےغم میں میرے شوہربیمار ہوگئے، اےآروائی کا شکریہ جو ہمارا ساتھ دیا۔
ننھی عائشہ کی دیکھ بھال کرنے والے خاندان کا کہنا تھا کہ یہ بچی سرجانی لیاری کی ایک فیملی کے پاس تھی جسے برے حال میں رکھا جارہا تھا، ہم نے اسے رکھ لیا اور اپنے بچوں کی طرح دیکھ بھال کی، سوشل میڈیا سےوالدین کا پتا چلا تو رابطہ کیا۔
ننھی عائشہ کی دیکھ بھال کرنے والے خاندان نے پولیس کو بیان دیتے ہوئے کہا تھا کہ عائشہ3 ،4ماہ سےہمارےپاس تھی، بچی کو سرجانی کے علاقے لیاری میں فیملی نےقیدکررکھاتھا، وہ لوگ بچی کونہ کھاناکھلاتےنہ پہننےکوکپڑےدیتےتھے، جن لوگوں کےپاس پہلے بچی تھی وہ اسےفروخت کرنا چاہتے تھے۔
پولیس کے مطابق عبدالمعیزنامی شخص بچی اور اس کی والدہ کو لے عزیز آباد تھانے پہنچے اور حالت سے پولیس کو آگاہ کیا۔
