The news is by your side.

Advertisement

ہرلمحہ پرجوش : ’عمران خان سے اب بھی محبت ہے‘

کراچی : پاکستانی اداکار و میزبان ساحر لودھی نے کہا ہے کہ وہ اب بھی عمران خان سے محبت کرتے ہیں۔

اے آر وائی نیوز کے پروگرام ہر لمحہ پرجوش میں ساحر لودھی اور اُن کی ہمشیرہ ڈاکٹر شائستہ لودھی نے شرکت کی، دونوں مہمانانِ گرامی نے میزبان وسیم بادامی کے معصومانہ سوالات کے جوابات دیے۔

گوگلی سیگمنٹ میں خالی جگہ پر کرنےکے حوالے سے پوچھے جانے والے ایک سوال کے جواب میں ساحر لودھی کا کہنا تھا کہ عمران خان تبدیلی کے نام پر تبدیلی لے کر آئے۔

ری ویو سیگمنٹ میں عمران خان کے لیے ایک جملہ لولتے ہوئے ساحر لودھی نے پرامید لیجے میں کہا کہ ’عمران خان سے اب بھی محبت ہے‘۔

ایک سوال کا جواب دیتے ہوئے شائستہ لودھی نے کہا کہ انہیں ابھی مزید پڑھنا ہے اور وہ اپنی شرائط پر مارننگ شو کرنا چاہتے ہیں۔ شائستہ لودھی نے اپنے بھائی کو کام کے معاملے میں خود سے زیادہ مخلص قرار دیا۔

مزید پڑھیں: ہر لمحہ پرجوش نے آغاز کے ساتھ ہی اہم سنگِ‌ میل عبور کرلیا

ایک اور سوال کا جواب دیتے ہوئے شائستہ لودھی نے بتایا کہ ساحر لودھی والدین اور بالخصوص والدہ کے چہیتے ہیں جبکہ انہیں گھر والے اتنا زیادہ پسند نہیں کرتے۔

واضح رہے کہ اے آر وائی نیوز پر آج سے ہر لمحہ پرجوش  روزانہ رات گیارہ بجے نشر کیا جائے گا، یہ پروگرام پاکستان سپرلیگ کے دوران روزانہ نشر کیا جائے گا  جس میں کرکٹ پر ماہرانہ تبصروں کے لیے قومی کرکٹ ٹیم کے سابق کپتان راشد لطیف، سابق ٹیسٹ کرکٹر تنویر احمد اور اے آر وائی نیوز کے پروگرام اسپورٹس روم کے اینکر نجیب الحسنین موجود ہوں گے۔

رواں سال مزاحیہ اداکاری کے لیے عادی کے نام سے مشہور اداکار، اے آر وائی نیوز کے پروگرام باخبر سویرا کے اینکر اور مزاحیہ اداکار شفاعت علی، سوشل میڈیا اسٹار عابد اور ننھے سوشل میڈیا اسٹار احمدشاہ بھی نظر آئیں گے۔

Comments

یہ بھی پڑھیں