site
stats
بزنس

ٹائلز و سینٹری ایکسپورٹرز اور دکان داروں نے ہڑتال کی دھمکی دے دی

shop closed

کراچی: ریگولیٹری ڈیوٹی میں اضافے اور اینٹی ڈمپنگ ڈیوٹی کے نفاذ کے خلاف ٹائلز اور سینٹری وئیر کے درآمد کنندگان، تھوک اور خوردہ فروشوں نے ملک گیر شٹر ڈاؤن ہڑتال کی دھمکی دے دی۔

چیئرمین آل پاکستان ٹائلز اینڈ سینیٹری مرچنٹس ایسوسی ایشن امین لاثانیہ نے کہا ہے کہ درآمدہ ٹائلز اور سینیٹری وئیر پر ریگولیٹری ڈیوٹی کی شرح بڑھانے اور اینٹی ڈمپنگ ڈیوٹی کے نفاذ سے 10 ہزار تاجروں کی بقا خطرے میں پڑ گئی۔

کراچی میں پریس کانفرنس کرتے ہوئے امین لاثانیہ نے کہا کہ حکومت کے اس اقدام سے تعمیراتی لاگت فی اسکوائر میٹر 12 سے 15 فیصد بڑھ گئی ہے، ٹائلز اور سینیٹری وئیر ڈیوٹی و ٹیکسوں کامجموعی حجم 83 سے بڑھ کر 135 فیصد تک پہنچ گیا ہے، حکومت کے اس منی بجٹ سے ٹائلز اور سینیٹری وئیر کی درآمدی لاگت میں 100 فیصد اضافہ ہوگیا ہے۔

انہوں نے کہا کہ مقامی مارکیٹ میں ٹائلز اور سینیٹری وئیر کی انڈر انوائسنگ اور اسمگلنگ بڑھ جائے گی، درآمدہ ٹائلز اور سینیٹری وئیر پر ریگولیٹری ڈیوٹی کی شرح بڑھانے اور اینٹی ڈمپنگ ڈیوٹی کے نفاذ سے ہزار وں تاجروں کی بقا خطرے میں پڑ گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top