کراچی : سوئی سدرن گیس نے شہریوں کو مہنگی ایل پی جی خریدنے کی مشورہ دے دیا اور سلنڈر خریدنے کے لیے ہزاروں روپے ایڈوانس جمع کرانے کی شرط عائد کردی۔
تفصیلات کے مطابق سوئی سدرن گیس شہریوں کو گیس فراہم کرنے میں ناکام ہے ، ایس ایس جی سی نے افیشل ٹوئیٹر اکاونٹ پر شہریوں کو ایل پی جی گیس خریدنے کی راہ دکھا دی۔
جس کے تحت شہریوں کو ایس ایس جی سی سے سلینڈر خریدنے کے لئے ہزاروں روپے ڈپازٹ کرانے پڑیں گے۔
سوئی سدرن ایل پی جی کمپنی کا کہنا ہے کہ 11.8 کلو کے سلینڈر کے لئے 5 ہزار روپے ایڈوانس اور 10 کلو کے فائبر ایل پی جی سلینڈر کے لئے 4500 روپے ایڈوانس دینا ہوں گے۔
ایس ایس جی سی ایل پی جی پرائیوٹ لمیٹیڈ نے بتایا کہ صرف اور صرف اپنے سلینڈر میں گیس فل کرتے ہیں ، شہر میں گیس کی شارٹیج کے بعد سلنڈر کی مانگ میں بے پناہ اضافہ ہوا ہے۔
ذرائع کا کہنا ہے کہ سب سے زیادہ رہائشی ایل پی جی سلینڈر کی ڈیمانڈ ڈیفنس اور کلفٹن کے علاقوں سے آرہی ہے تاہم دیگر علاقوں سے بھی ایل پی جی سلینڈر کی ڈیمانڈ میں اضافہ ہوا ہے جبکہ کمرشل صارفین کی ایل پی جی ڈیمانڈ میں بھی تقریبا 100 فیصد اضافہ ہوا ہے ۔
ترجمان ایس ایس جی سی کا کہنا ہے کہ شہر میں اس وقت گیس کی ڈیمانڈ 1225 ایم ایم سی ایف ڈی ہے اور شہر میں اس وقت سپلائی 1029 ایم ایم سی ایف ڈی ہے ، جس کے بعد 196 ایم ایم سی ایف ڈی کا شارٹ فال ہے ۔
