شکارپور : لودھراں اسٹیشن پر سکھر ایکسپریس میں اچانک آگ بھڑک اٹھی ، آگ لگنےکےواقعےمیں کوئی جانی نقصان نہیں ہوا ، آگ کیوں لگی، تحقیقات جاری ہے جبکہ سکھر ایکسپریس کو اپنی اگلی منزل کی جانب روانہ کر دیا ہے۔
تفصیلات کے مطابق سانحہ تیز گام کو ایک دن بھی نہیں گزرا تھا کہ شکارپور میں لودھراں اسٹیشن پر سکھر ایکسپریس میں اچانک آگ لگ گئی ، لوگوں نے اپنی مدد آپ کے تحت بجھادی اور ٹرین جیکب آباد روانہ کردی گئی۔
پولیس کا کہنا ہے کہ بوگی میں آگ شارٹ سرکٹ کے باعث لگی ، علائقہ مکینوں نے اپنی مدد آپ کےتحت مسافروں کوریسکیو کیا،:آگ لگنےکےواقعےمیں کوئی جانی نقصان نہیں ہوا۔
ریلوےحکام کا کہنا ہے کہ سکھرایکسپریس میں آگ لگنے کی وجوہات جاننے کیلئے تحقیقات جاری ہے، ٹرین کی2بوگیوں کے درمیان ربڑ کےپائدان کوآگ لگی تھی ، جس کے بعد سکھر ایکسپریس کی باقی بوگیوں کوالگ کرکےآگ بجھادی گئی اور ٹرین کو اپنی اگلی منزل کی جانب روانہ کر دیا ہے۔
مزید پڑھیں : لیاقت پور: تیزگام کی 3 بوگیوں میں آگ لگ گئی، 74 افراد جاں بحق
ریلوےحکام کا کہنا ہے کہ ڈی ایس ریلوےسکھرنےآگ واقعےپرتحقیقاتی ٹیم روانہ کردی، ٹیم آگ لگنےکےاسباب تلاش کرکےکل رپورٹ جمع کرائےگی، پہلےکبھی بھی اس طرح کاواقع کسی ٹرین میں پیش نہیں آیا، تخریبی عنصرکوبھی ردنہیں کیاجاسکتا۔
یاد رہے لیاقت پور میں کراچی سے پنڈی جانے والی تیزگام میں خوفناک آگ سے چوہتر افراد زندہ جل گئے، درجنوں زخمی ہوگئے تھے، واقعے کی بنیادی وجہ گیس سلنڈر کا پھٹنا قرار دیا گیا ہے، متاثرہ بوگیوں میں زیادہ ترتبلیغی جماعت کے لوگ سوار تھے۔
ٹرین عملہ کاکہنا تھا کہ چلتی ٹرین میں کئی افراد نےچھلانگ لگا کرجان بچانےکی کوشش میں شدید زخمی ہوگئے، درجنوں زخمی مسافروں کو بہاولپور، رحیم یار خان ، ملتان ،احمد پور شرقیہ کےمختلف اسپتالوں میں منتقل کیاگیا جبکہ اب بھی متعددافراد کی حالت تشویشناک بتائی جارہی ہے
