شوبز انڈسٹری کی معروف اداکارہ سنیتا مارشل اے آر وائی ڈیجیٹل کے پروگرام ”The Knock Knock Show“ میں شریک ہوئیں، اس موقع پر ان کے شوہر حسن احمد بھی ان کے ہمراہ موجود تھے۔
پروگرام کے میزبان محب مرزا نے اُن سے سوال کیا کہ کیا شادی کے بعد کمپرو مائس کرنا ضروری ہے؟
سوال کا جواب دیتے ہوئے سنیتا مارشل نے کہا کہ شادی کے بعد خاتون کو فوری طور پر کمپرو مائس اس لئے کرنا پڑتا ہے کیونکہ وہ اپنا گھر چھوڑ کر ایک نئے گھر میں آتی ہے۔
سنیتا مارشل نے کہا شادی کے بعد کچھ چیزوں پر کمپرومائس بہت ضروری ہے، ہر چیز پر نہیں، انہوں نے کہا کہ میری شادی کی کامیابی کی بڑی وجہ ہم دونوں ایک دوسرے پر بہت زیادہ بھروسہ کرتے ہیں۔
اس سے قبل سنیتا مارشل نے اپنی ایک تصویر سوشل میڈیا پر شیئر کی تھی جس میں انہوں نے انوکھے انداز میں سردی کا استقبال کیا تھا۔
فوٹو اور ویڈیو شیئرنگ ایپ انسٹاگرام پر اداکارہ سنیتا مارشل نے شوہر حسن احمد کے ہمراہ ایک خوبصورت تصویر شیئر کی، جس میں انہیں مسکراتے ہوئے دیکھا جاسکتا ہے۔
View this post on Instagram
سوشل میڈیا پلیٹ فارم پر شیئر کی گئی تصویر میں سنیتا مارشل نے کالے رنگ کا لباس زیب تن کیا ہوا ہے۔شیئر کی گئی تصویر پر سوشل میڈیا صارفین کی جانب سے ملے جلے رد عمل کا اظہار کیا جارہا ہے۔
