site
stats
پاکستان

سپریم کورٹ میں پولیس اصلاحات کیس کا فیصلہ محفوظ ، آج سنایا جائے گا

اسلام آباد: سپریم کورٹ نے پولیس اصلاحات کیس کا فیصلہ محفوظ کر لیا۔ آج سنایا جائے گا۔

چیف جسٹس جواد ایس خواجہ کی سربراہی میں تین رکنی بنچ نے پولیس اصلاحات کیس کی سماعت کی، عدالت کو بتایا گیا کہ سندھ اور بلوچستان میں انگریز دور کا بنا اٹھارہ سو اکسٹھ کا قانون نافذ ہے جبکہ خیبر پختونخوا اور پنجاب میں دو ہزار دو پولیس ترمیمی آرڈر نافذ ہے۔

چیف جسٹس کا کہنا تھا کہ لگتا ہے کہ سندھ اور بلوچستان حکومتوں نے انگریز کے قانون پر ہی چلنا ہے ۔ جسٹس دوست محمد نے ریمارکس دیئے کہ خیبر پختونخوا میں پولیس آرڈر پوری طرح بغیر ترمیم کے نافذ ہے، وہاں پولیس سیاسی اثر و رسوخ سے آزاد ہے۔

چیف جسٹس کا کہنا تھا کہ وفاق مطمئن ہے کہ پولیس میں سب صحیح ہے اور اصلاحات کی ضرورت نہیں، چیف جسٹس نے کہا اصلاحات کا ڈرافٹ تیار کرلیا ہے، ہفتے کو جاری کر دیں گے۔ تمام صوبوں کو اس پر عملدرآمد کے لیے پندرہ روز کا وقت دیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top