نئی دہلی: بالی ووڈ اداکار سُشانت سنگھ راجپوت کی بہن شویتا سنگھ کیرتی نے پی ایم مودی سے مدد کی اپیل کی ہے۔
بھارتی میڈیا رپورٹ کے مطابق سُشانت سنگھ راجپوت کی بہن شویتا سنگھ کیرتی نے جمعرات کو بھارت کے وزیر اعظم سے رابطہ کیا اور ان سے اپنے بھائی کی موت کے معاملے میں مداخلت کرنے کی درخواست کی۔
انہوں نے بتایا کہ سنٹرل بیورو آف انویسٹی گیشن (سی بی آئی) تقریباً چار سال سے سُشانت سنگھ راجپوت خودکشی کیس پر کام کر رہی ہے لیکن ابھی تک تحقیقات سے کچھ بھی ثابت نہیں ہوا ہے۔
View this post on Instagram
فوٹو اینڈ شیئرنگ ایپ انسٹاگرام پر سُشانت سنگھ کی بہن شویتا نے ویڈیو شیئر کی جس میں انہوں نے پی ایم مودی سے مداخلت کرنے اور کیس کو تیزی سے چلانے کی اپیل کی ہے۔
سُشانت کی بین نے اپنی ویڈیو میں کہا کہ بہن کی موت کو 45 ماہ کا طویل وقت گزر گیا لیکن سی بی آئی نے اب تک اس کیس میں کچھ نہیں کیا۔
انکیتا لوکھنڈے نے سشانت سنگھ سے متعلق بات کرنے کی وجہ بتادی
انہوں نے وزیر اعظم سے اس کیس میں شمولیت کی اہمیت پر زور دیتے ہوئے کہا کہ اگر آپ اس کیس میں مداحلت کریں گے اور کیس کو تیزی سے چلانے کا حکم دیں گے تو ان دلوں کو سکون ملے گا جو تقریباً چار سالوں سے غمزدہ ہیں۔
انہوں نے کہا کہ میرے بھائی سشانت سنگھ راجپوت کے انتقال سے 45 مہینے گزر چکے ہیں، اور ہم اب بھی جوابات ڈھونڈ رہے ہیں۔ پی ایم مودی جی، برائے مہربانی سی بی آئی کی تحقیقات کی پیشرفت جاننے میں ہماری مدد کریں۔
واضح رہے کہ ’’چھچھورے‘‘، ’’قدرناتھ‘‘، ’’ایم ایس دھونی‘‘ اور ’’پی کے‘‘ جیسی فلموں میں اہم کردار ادا کرنے والے سشانت سنگھ راجپوت 14 جون 2021 کو ممبئی میں واقع اپنے فلیٹ میں مردہ پائے گئے تھے۔
