سڈنی : آسٹریلیا میں سڈنی ہاربر میں نئے سال کے جشن کے آغاز سے چند لمحے قبل جہاز دریا میں گرنے سے 6 افراد ہلاک ہوگئے۔
تفصیلات کے مطابق آسٹریلیا میں طیارہ سڈنی سے شمال کی جانب سے 50 کلومیٹر دورہاکس بے ریور کے گرکر تباہ ہوگیا جس کے نتیجے میں 6 افراد ہلاک ہوگئے۔
ریسکیو حکام کے مطابق غوطہ خوروں نے جہاز میں سوار تمام 6 افراد کی لاشوں کو نکال لیا ہے تاہم ان کی شناخت نہیں ہوسکی۔
مقامی میڈیا کے مطابق طیارہ حادثے میں ہلاک ہونے والے 4 افراد کا تعلق برطانیہ سے تھا۔
پولیس آفیسر مائیکل گورمان نے میڈیا کو بتایا کہ سمندر کے اوپراڑنے والا ایک انجن پرمشتمل جہاز پانی کے اوپر 13 کلو میٹرتک چل رہا تھا۔
انہوں نے بتایا کہ جہاز دائیں جانب ایک مشکل موڑ لے رہا تھا جو درحقیقت گھومنے کے لیے تھا تاہم اس کے پرپانی میں چلے گئے اور دیکھتے ہی دیکھتے پورا جہاز سیدھے ڈوب گیا۔
خیال رہے کہ سڈنی ہاربرمیں نئے سال کا جشن منانے سے چند لمحوں قبل طیارہ حادثہ پیش آیا جہاں پرآتش بازی کے شاندار مظاہرے کی تیاریاں کی جا رہی تھیں۔
آسٹریلیا: جہاز شاپنگ سینٹرمیں جا گرا، 5 افراد جاں بحق
یاد رہے کہ رواں برس 21 فروری کو آسٹریلیا میں چارٹر طیارہ اڑان بھرنے کے فوری بعد حادثے کا شکار ہو گیا تھا جس کے نتیجے میں 5 افراد جاں بحق ہو گئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
