ترکیہ وشام میں آنے والے صدی کے خوفناک زلزلے نے مصائب والم کی ان گنت یادیں چھوڑی ہیں ہر طرف تباہی کے ہولناک مناظر نے دل کو رلادیا ہے۔
سات اعشاریہ آٹھ شدت کی اس تباہ کن زلزلے نے شام وترکیہ میں پانچ ہزار سے زائد افراد کو لقمہ اجل بنالیا ہے۔
اس خوفناک زلزلے سے جہاں اموات کی شرح میں اضافہ ہوا وہیں کچھ خوش نصیب ایسے بھی ہیں جن کو اللہ نے اپنی رحمت سے زندہ رکھا۔
یہ بھی پڑھیں: ترکیہ میں زلزلے سے قبل پرندوں کی ویڈیو وائرل
"جسے خُدا رکھے اسے کون چکھے کے مصداق شام میں زلزلے میں ایک حاملہ خاتون ملبے تلے دب گئی اور حالت بگڑنے کے باعث اسی ملبے میں بچے کی پیدائش بھی ہوئی۔
DISCLAIMER: DISTURBING VISUALS
📹Massive #Turkey, #Syria #earthquake: A newborn baby was rescued after a mother gave birth under the rubble in Syria. The mother and her family were reportedly killed in the quake.
For live updates: https://t.co/6R0zM75hMB pic.twitter.com/Tvnz7aYMIy
— Khaleej Times (@khaleejtimes) February 7, 2023
بیٹے کی ولادت کے بعد ماں نے ملبے تلے اپنی آخری سانسیں لیں، لیکن نومولود زندہ بچ گیا، یہ قدرت کا ایک بڑا کرشمہ ہے جس کو عالمی میڈیا پر ہر کوئی دیکھ کر حیران رہ گیا ہے۔
ریسکیو اہلکاروں نے جب ملبے تلے زندہ نومولود بچے کو نکالا تو یہ دیکھ کر سب دنگ رہ گئے، اس بچے کی ویڈیوز بھی سوشل میڈیا پر خوب شیئر کی جارہی ہے۔
اطلاعات کے مطابق بچے کو محفوظ مقام پر منتقل کردیا گیا ہے اور یہ بالکل صحت مند ہے۔
