دبئی: انٹرنیشنل کرکٹ کونسل (آئی سی سی) نے ٹی ٹوئنٹی ورلڈکپ میچز کے لیے امریکا کے 3 شہروں کو شارٹ لسٹ کرلیا۔
میڈیا رپورٹس کے مطابق آئی سی سی کی جانب سے فلوریڈا، لاس اینجلس اور آکلینڈ کو شارٹ لسٹ کر لیا گیا ہے جب کہ ٹی ٹوئنٹی ورلڈکپ میں پاکستان اور بھارت کا میچ امریکا میں ہی کرائے جانے کا امکان ہے۔
رپورٹ کے مطابق آئی سی سی کےوفد نے حال ہی میں امریکا کے مختلف شہروں میں قائم اسٹیڈیمز کا دورہ کیا تاہم دونوں میزبان کا مشترکہ فیصلے میں یہ ٹاکرا امریکا میں کرائے جانے کا امکان ہے۔
آئی سی سی ٹی ٹوئنٹی ورلڈکپ کے امریکا اور ویسٹ انڈیز مشترکہ میزبان ہیں اس حوالے سے یو ایس اے کرکٹ کے صدر نے کہا کہ بھارت اور پاکستان کو امریکا میں کراؤڈ کی بہت سپورٹ ہے، ٹی ٹوئنٹی ورلڈ کپ 2024 کا سب سے ہائی وولٹیج میچ ویسٹ انڈیز کے بجائے امریکا میں ہو سکتا ہے۔
واضح رہےکہ امریکا اور ویسٹ انڈیز میں آئی سی سی مینزٹی ٹوئنٹی ورلڈکپ جون 2024 میں ہوگا۔
