آئی سی سی ٹی 20 ورلڈ کپ میں پاکستان کی زمبابوے کے ہاتھوں اپ سیٹ شکست کے بعد نیدرلینڈز بھی آنکھیں دکھانے لگا۔
ٹی ٹوئنٹی ورلڈکپ میں گروپ ٹو کے میچ میں زمبابوے نے پاکستان کو سنسنی خیز مقابلے کے بعد ایک رن سے شکست دی تھی۔
زمبابوے کی جانب سے دیے گئے 131 رنز کے ہدف کے تعاقب میں پاکستان ٹیم مقررہ اوورز میں 8 وکٹوں پر 129 رنز بناسکی تھی۔
View this post on Instagram
قومی ٹیم کی شکست کے بعد جہاں کرکٹ شائقین افسردہ ہیں وہیں اور سابق کرکٹرز کی جانب سے بھی قومی ٹیم کی کارکردگی پر تنقید کی جارہی ہے۔
ایسے میں ڈچ کوچ کا بھی پاکستان کے خلاف میچ سے قبل اہم بیان سامنے آگیا ہے۔
نیدرلینڈز کے کوچ ریان کک کا کہنا ہے کہ حالیہ میچوں میں پاکستان سے کانٹے کے مقابلے ہوئے ہیں امید ہے کہ پاکستان کے خلاف ورلڈ کپ کا میچ ہم جیتیں گے۔
واضح رہے کہ پاکستان اور نیدرلینڈز کے درمیان اہم میچ کل کھیلا جائے گا، میچ پاکستانی وقت کے مطابق دوپہر 12 بجے شروع ہوگا۔
پاکستان کو میگا ایونٹ میں رہنے کے لیے میچ بھاری مارجن سے جیتنا ہوگا جبکہ اس کے بعد قومی ٹیم مزید دو میچز جنوبی افریقہ اور بنگلہ دیش کے خلاف کھیلے گی۔
پوائنٹس ٹیبل پر بھارتی ٹیم چار پوائنٹس کے ساتھ سرفہرست ہے جبکہ قومی ٹیم پانچویں نمبر پر براجمان ہے۔