The news is by your side.

ٹی 20 ورلڈ کپ: گروپ ون کی دوسری سیمی فائنلسٹ ٹیم کون؟ فیصلہ آج ہوگا

سیمی فائنل کی دوڑ سڈنی: آئی سی سی ٹی ٹوئنٹی ورلڈ کپ میں سیمی فائنل کی دوڑ میں شامل ہونے کے لیے جنگ جاری ہے۔

آج سڈنی کے گراؤنڈ میں گروپ ون سے انگلینڈ اپنا ڈو اینڈ ڈائی میچ سری لنکا  سے کھیلے گی، جس کے بعد گروپ ون میں دوسرے سیمی فائنلسٹ ٹیم کا فیصلہ ہوجائے گا۔

آج کے اس اہم میچز میں انگلینڈ ٹیم کو سیمی فائنل میں رسائی حاصل کرنے لیے سری لنکا کو بڑے مارجن سے ہرانا ہوگا۔

گروپ ون کے کل دو میچز کھیلے گئے پہلے میچ میں نیوزی لینڈ نے کمزور حریف آئرلینڈ کو 35 رنز سے شکست دے کر سیمی فائنل کی ٹکٹ کنفرم کرلی ہے۔

جب کہ دوسرے میچ میں آسٹریلیا نے سنسنی خیز مقابلے کے بعد افغانستان کو 4 رنز ست شکست دی تھی۔

آسٹریلیا کو سیمی فائنل تک رسائی کیلئے افغانستان کیخلاف میچ اچھے مارجن سے جیتنا تھا جس میں وہ ناکام رہا۔ اب صورتحال یہ ہے کہ انگلینڈ اگر سری لنکا سے جیت گیا تو بہتر رن ریٹ کی وجہ سے آسٹریلیا سے پوائنٹس برابر ہونے کے باوجود سیمی فائنل میں پہنچ جائے گا۔

اور اگر آج کا میچ سری لنکا جیت جاتی ہے تو دونوں ٹیموں کی اپنے وطن واپسی کا ٹکٹ کنفرم ہوگا ہوجائے گا۔

گروپ ون سے نیوزی لینڈ پانچ میچز میں 7 پوائنٹس کے ساتھ سیمی فائنل میں پہنچنے والی پہلی ٹیم بن گئی ہے، آسٹریلیا اس وقت منفی رن ریٹ کے ساتھ دوسرے نمبر پر موجود ہے، جبکہ انگلینڈ تیسرے نمبر پر موجود ہے۔

گروپ ون سے سری لنکا، افغانستان اور آئرلینڈ کی ٹیموں کیلئے ایونٹ ختم ہو گیا۔

Comments

یہ بھی پڑھیں