ہالی ووڈ کے میگا اسٹار اور سابق ریسلر ڈوئن جانسن المعروف دی راک کو بھی پاک بھارت میچ کا بے صبری سے انتظار ہے۔
انٹرنیشنل کرکٹ کونسل (آئی سی سی) کی جانب سے پرومو جاری کیا گیا ہے جس میں دی راک کہتے ہیں کہ ’جب روایتی حریف ٹکرائیں گے تو دنیا رک جائے گی۔‘
دی راک مزید کہتے ہیں کہ ’یہ وقت پاکستان اور بھارت کے میچ دیکھنا کا ہے۔
THE HYPE IS REAL pic.twitter.com/C7hAWopK0Z
— zayn (@ZaynMahmood5) October 18, 2022
واضح رہے کہ دونوں روایتی حریفوں کے درمیان مقابلہ 23 اکتوبر کو میلبرن کے تاریخی کرکٹ گراؤنڈ میں اتوار کے روز کھیلا جائے گا۔
قبل ازیں دونوں ٹیمیں ایک سال کے دوران 3 مرتبہ آمنے سامنے آئیں ہیں جہاں قومی ٹیم کا پلڑا بھاری ہے پاکستان نے 2 میچز جیتے ہیں جبکہ ایک میں شکست کا سامنا کرنا پڑا ہے۔
دوسری جانب آئی سی سی ٹی20 ورلڈکپ 2021 میں قومی ٹیم نے روایتی حریف کو 10 وکٹوں سے شکست دی تھی۔