ممبئی : معروف مزاحیہ بھارتی ڈرامے کے مصنف ابھیشیک ماکوانا نے خودکشی کرلی۔
بھارتی فلموں و ڈراموں سے منسلک شخصیات میں خودکشی رجحان مسلسل بڑھ رہا ہے اور ایک کے بعد ایک اداکار، گلوکار و مصنف اپنی زندگیوں کا خاتمہ کررہے ہیں، گزشتہ روز معروف بھارتی ڈرامے ’تارک مہتا کا الٹا چشمہ‘ کے رائٹر نے خودکشی کی ہے۔
ابھیشیک ماکوانا کی لاش ممبئی کے علاقے کاندیوالی میں واقع ان کے گھر سے ملی، جس کے ساتھ سوسائیڈ نوٹ بھی موجود تھا۔
انہوں نے گجراتی زبان میں لکھے گئے آخری خط میں کہا کہ میں اپنی ذاتی زندگی مشکلات کے ساتھ ساتھ مالی مشکلات سے بھی تنگ آچکا ہوں اور گزشتہ کئی ماہ سے ان حالات سے دوچار ہوں۔
ابھیشیک نے اپنے سوسائیڈ نوٹ میں اپنے گھر والوں سے معافی معانگی اور کہا کہ میں نے حالات سے مقابلہ کرنے کی بھرپور کوشش کی لیکن اب مزید ایسا نہیں کرسکتے کیونکہ پریشانیاں مسلسل بڑھ رہی ہیں۔
پولیس مشہور بھارتی ڈرامے کے مصنف کے اس انتہائی اقدام سے متعلق اپنی تحقیقات شروع کردی ہیں۔
