طالبان کے ترجمان ذبیح اللہ مجاہد نے کابل میں اہم پریس کانفرنس کا اعلان کر دیا۔
ٹوئٹر پر جاری بیان میں ذبیح اللہ مجاہد نے لکھا کہ کابل کے میڈیا سینٹر میں آج پریس کانفرنس کی جائے گی یہ میری پہلی پریس کانفرنس ہوگی۔
ترجمان طالبان نے صحافیوں اور میڈیا کارکنوں کو پریس کانفرنس کی کوریج کے لیے مدعو کیا ہے۔
کابل کا کنٹرول حاصل کرنے کے بعد یہ پہلا موقع ہوگا کا جب ترجمان طالبان عوامی سطح پر اپنے موقف، پالیسی اور آئندہ کی حکمت عملی سے آگاہ کریں گے۔
خبرتیا:
نن مازدیګر ۶:۳۰ بجې په کابل کې د رسنیو په مرکز کې زه ذبیح الله مجاهد د اسلامي امارت ویاند خپل لومړنی مطبوعاتي کنفرانس لرم، د رسنیو استازي او ژورنالستان کولای شي یاد مرکز ته تشریف راوړي.— Zabihullah (..ذبـــــیح الله م ) (@Zabehulah_M33) August 17, 2021
افغانستان میں طالبان کے شریک بانی اور ملا محمد عمر کے نائب عبدالغنی برادر اخوند افغانستان کے لیے روانہ ہو چکے ہیں، ملا عبدالغنی برادر کو افغانستان میں اہم ذمہ داری سونپے جانے کاامکان ہے۔
ملا برادر سینئر طالبان رہنماؤں کے ہمراہ افغانستان پہنچ رہے ہیں، افغان میڈیا نے دعویٰ کیا ہے کہ ملا برادر پہلے قندھار اور پھر کابل جائیں گے، نیز ملا برادر تقریباً 20 سال کے بعد افغانستان جا رہے ہیں۔
واضح رہے کہ افغانستان میں نئی حکومت بنانے کی تیاریاں زور و شور سے جاری ہیں، بتایا جا رہا ہے کہ اہم مشاورت کے لیے ملا برادر قطر سے کابل روانہ ہوئے ہیں۔
