ممبئی: بھارت میں 20 سالہ اداکارہ تنیشا شرما کی خودکشی کیس میں ان کے دوست شیزان خان کو عدالت سے ضمانت پر رہا کردیا ہے۔
بھارتی میڈیا رپورٹ کے مطابق ٹی وی شو میں مرکزی اداکار ادا کرنے والے شیزان خان کو دسمبر 2022 میں ٹی وی اداکارہ تونیشا شرما خودکشی معاملہ میں تین مہینے کے بعد راحت مل گئی ہے۔
بھارتی میڈیا کے مطابق تنیشا شرما کیس میں شیزان خان کی ضمانت کی کئی درخواستیں مسترد ہونے کے بعد اب ان کی درخواست ضمانت منظور کر لی گئی ہے۔
رپورٹ کے مطابق شیزان خان کو وسئی کی عدالت نے ضمانت پر رہا کرنے کا حکم دیا ہے، اداکار کو ایک لاکھ روپے اور پاسپورٹ بھی جمع کرانے پر ضمانت کا حکم دیا گیا ہے۔
بھارتی اداکارہ تنیشا خودکشی کیس میں نیا موڑ، شیزان کے وکیل نے پنڈورا باکس کھول دیا
خیال رہے کہ تنیشا شرما نے 24 دسمبر کو شوٹنگ کے دوران سیٹ کے میک اپ روم میں پنکھے سے لٹک کر خودکشی کرلی تھی۔
پولیس نے خودکشی کیس میں اداکارہ کے سابق بوائے فرینڈ شیزان خان کو حراست میں لیا تھا، میڈیا رپورٹس کے مطابق دونوں کا 15 روز قبل ہی تعلق ختم (بریک اپ) ہوا تھا۔
بھارتی میڈیا کا کہنا ہے کہ شیزان نے اداکارہ سے شادی کا وعدہ کر رکھا تھا تاہم اس نے وعدہ خلافی کی اور تعلق ختم کرلیا جس سے دلبرداشتہ ہو کر اداکارہ نے انتہائی قدم اٹھا لی۔
