تیلگو اسٹار وجیا رنگاراجو فلم کے سیٹ پر زخمی ہونے کے بعد دل کا دورہ پڑنے سے چل بسے۔
بھارتی میڈیا کے مطابق 70 سالہ اداکار کو گزشتہ ہفتے حیدرآباد میں ایک فلم کی شوٹنگ کے دوران چوٹ لگ گئی تھی، بعد میں انہیں علاج کے لیے چنئی کے ایک نجی اسپتال منتقل کیا گیا، بدقسمتی سے وہ اپنی چوٹوں اور صحت کی پیچیدگیوں کی وجہ سے دم توڑ گئے۔
- Advertisement -
وجے رنگاراجو تیلگو اور ملیالم فلمی صنعتوں کے ایک مقبول اداکار تھے، جو ولن اور معاون کرداروں میں اپنی مضبوط اداکاری کی وجہ سے مشہور تھے۔
انہوں نے مختلف فلموں میں ولن کے کردار سے شہرت حاصل کی، ان کے سب سے مشہور کرداروں میں سے ایک گوپی چند کی فلم یگنم ہے، جس میں انہوں نے ایک ولن کا کردار ادا کیا تھا۔
