کراچی : محکمہ موسمیات نے کراچی میں رواں ہفتے درجہ حرارت سنگل ڈیجٹ تک گرنے کی پیش گوئی کردی۔
تفصیلات کے مطابق ملک بھر میں ہر گزرتے دن کے ساتھ سردی بڑھتی ہی جارہی ہے، کراچی سے کشمیر اور بلوچستان سے گلگت بلتستان تک کڑاکے کی ٹھنڈ پڑرہی ہے۔
کراچی میں سائبیرین ہواؤں کے باعث پارہ مزید کم ہوگیا ہے ، محکمہ موسمیات نے بتایا کہ شہر کاموجودہ درجہ حرارت 12ڈگری سنٹی گریڈ ہے جبکہ کم سےکم درجہ حرارت10 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت24 سے 26 ڈگری سینٹی گریڈ رہنے کا امکان ہے۔
- Advertisement -
محکمہ موسمیات کے مطابق شہرمیں رواں ہفتے درجہ حرارت سنگل ڈیجٹ تک گرسکتا ہے۔
دوسری جانب سندھ ، پنجاب اور خیبرپختونخوامیں شدید دھند کی وجہ سےپروازوں کا شیڈول بھی بدستور متاثر ہے، گزشتہ روز مزید پندرہ سے زائد فلائٹ منسوخ ہوئیں۔
