The news is by your side.

Advertisement

دبئی کے 10 منفرد مقامات کی فہرست جاری

 دبئی:متحدہ عرب امارات کا سفر کرنے کی خواہش رکھنے والے سیّاحوں کے لیے دبئی کی 10ایسی جہگوں کی فہرست جاری کی گئی ہے جہاں آپ محض 50 درہم یا اس سے بھی کم میں اپنے سفر کو یادگار بناسکتے ہیں۔

تفصیلات کے مطابق دبئی میں دیکھنے کو یوں تو بہت سے ایسے مقامات ہیں جو دل کو لبھاتے ہیں‘  آپ دبئی میں اپنے دوستوں  یا اہل خانہ  کے ساتھ سیر و تفریح کرنا چاہتے ہیں تو یہ دس جگہیں ایسی ہیں جنہیں آپ تمام عمر فراموش نہیں کرپائیں گے۔

 اگر آپ سوچ رہے ہیں کہ فہرست سنیما  گھروں اورکافی شاپس پر مشتمل ہے تو ایسا ہرگز نہیں کہ یہ تو آپ اپنے شہر میں بھی کرسکتے ہیں‘ یہ فہرست ایسے دس مقامات کی ہے جو کہ دبئی کو دنیا بھر سے ممتاز کرتے ہیں۔

بس اب انتظار ختم ‘ آئیے آپ کو ان مقامات کی سیر کراتے ہیں۔

1 دبئی فریم

Dubai
Dubai Frame

آپ دبئی میں لگے دنیا کے سب سے بڑے فریم کا صرف 50 درہم میں دورہ کرکے دبئی کی حقیقی خوبصورتی کو 150 میٹر کی بلندی سے شیشے کے بنے فرش پرچہل قدمی کرتے ہوئے دیکھ سکتے ہیں۔

2 دبئی سفاری پارک

Dubai Safari Park
Dubai Safari Park

جانوروں سے محبت کرنے افراد دبئی سفاری پارک میں رکھے ڈھائی ہزار سے زائد اقسام کے جانوروں کو دیکھ سکتے ہیں۔

3 معجزاتی پارک

dubai-miracle-gardan
Dubai Miracle Gardan

دبئی میں بنایا گیا انوکھا پارک ہے جو دیگر باغیچوں سے منفرد ہے اور کیوں نہ ہو منفرد  کہ اس میں پھولوں سے بنائے گئے کئی چیزوں کے مجسمے جو رکھے گئے ہیں۔ اس معجزاتی پارک میں صرف 45 درہم میں سیرکے لیے جاسکتے ہیں۔

4 گلوبل ولیج

dubai-global-village
Dubai Global Village

  جی ہاں ! یہ سچ ہے کہ  دبئی میں واقع گلوبل ولیچ  کے چند ایکڑ رقبے میں آپ ساری دنیا دیکھ سکتے ہیں‘ سیّاحوں کے لیے اس جگہ پر پانی کی منصوعی نہر بھی بنائی گئی ہے جس کا کشتی کے ذریعے سفر بھی کیا جسکتا ہےاور آپ خوش قسمت ہوئے تو 15 درہم میں گلوبل ولیچ میں داخل ہونے کے ساتھ ساتھ میوزک کنسرٹ بھی دیکھ سکتے ہیں۔

5 ڈالفن ایریم

Dubai Dolphinarium

اگر آپ دبئی کے سفر کے دوران اپنے بچوں کا دن مزید حسِین بنانا چاہتے ہیں تو محض 50 درہم خرچ کریں اور بچوں کو اودھ بلاؤ شو میں  سمندری سیلز کے ساتھ ڈالفن کے شاندارکرتب ضرور دکھائیں۔

6 دبئی میوزیم

Dubai Museum

سنہ 1787میں دبئی کریک کے جنوب میں تعمیر کیے گئے قلعے کو دبئی میوزیم میں تبدیل کردیا ہے۔ اگر آپ دبئی کی تاریخ سے واقف ہونا چاہتے ہیں تو صرف 2 درہم میں الفاہیدہ قلعے میں تعمیرکردہ میوزیم کا دورہ کرکے بغیر کسی نصابی کتب کے دبئی کا تاریخی سبق حاصل کریں۔

7 لوہے کے  آثار قدیمہ کا مرکز

dubai-metal-measum
Dubai Metal Museum

دبئی جانے والے سیّاح صرف 20 درہم میں سارق الحدید نامی آثار قدیمہ کے میوزیم کا دورہ کرسکتے ہیں جسے 1928س میں تعمیر کیا گیا تھا۔ اس میوزیم کے اندرصحرا میں استعمال ہونے والے لوہے کے ایسے نادر نوادرات موجود ہیں جنہیں لگ بھگ 3 ہزارسال قبل استعمال کیا جاتا تھا۔

8 دبئی واٹر کینال

dubai-watar-canal
Dubai Water Cannal

دبئی کے واٹر کینال میں سیّاح صرف25 درہم میں عربوں کی روایتی ’ابرا‘ نامی کشتی کی سی کرکے اپنے سفر کو مزید یادگار بناسکتے ہیں۔ یہ کشتی زمانہ قدیم سے اس خطے میں نقل و حمل کا سب سے اہم ذریعہ ہے اور آج بھی دبئی کے ثفافت کا حصہ ہے۔

9 سنیما تھراپی

dubai-reel-cinema
Dubai Cinema

سیّاحوں کے پورے دن کی تھکن کو دورکرنے کےلیے دبئی میں سنیما تھراپی سب سے بہترین ذریعہ ہے۔ یاد رکھیں یہ کوئی عام سینما نہیں ہے۔

10 دبئی فاؤنٹین

dubai-fountain
dubai-fountain

دبئی مال میں بنائے گئے دبئی فاؤنٹین کا نظارہ ایک یادگار لمحہ ہوتا ہے، جو سیّاحوں کے سفر کو مزید شاندار بناتا ہے۔ فاؤنٹین پول کے درمیان میں لگایا گیا گھومنے والا فوارہ اپنے دیکھنے والوں کے دلوں کو اور لبھاتا ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Print Friendly, PDF & Email

Comments

comments

یہ بھی پڑھیں