The news is by your side.

Advertisement

پنجاب میں دوہولناک ٹریفک حادثات‘ 10افرادجاں بحق

لاہور: صوبہ پنجاب کے شہرلاہور اور سرگودھا میں دو خوفناک ٹریفک حادثات میں 10 افراد جاں بحق جبکہ 8 زخمی ہوگئے۔

تفصیلات کے مطابق صوبہ پنجاب کے شہرسرگودھا میں فیصل آباد روڈ پرتیز رفتار ڈمپر نے رکشے کو کچل ڈالا جس کے نتیجے میں خاتون سمیت 8 افراد جان کی بازی ہار گئے۔

ریسکیو حکام کے مطابق حادثے میں زخمی ہونے والے شخص کو طبی امداد کے لیے اسپتال منتقل کردیا گیا۔

پولیس کے مطابق ابتدائی تفتیش کے مطابق حادثہ ڈرائیور کی غفلت کے باعث پیش آیا ضروری کارروائی کے بعد میتیں آبائی علاقوں میں منتقل کی جائیں گی۔

دوسری جانب لاہور کے بیدیاں روڈ پر لوڈ ٹرک نے رکشے کو ٹکر مار دی جس میں دو افراد جاں بحق اور سات افراد زخمی ہوگئے۔

پاکپتن : تیزرفتارٹریکٹرٹرالرنےموٹرسائیکل کوکچل دیا‘ خاتون جاں بحق

خیال رہے کہ رواں ماہ 7 مئی کو صوبہ پنجاب کے شہرپاکپتن میں تیز رفتار ٹریکٹر ٹرالر نے موٹرسائیکل پرسوار خاندان کو کچل دیا تھا،حادثے کے نتیجے میں ماں جاں بحق اور باپ بیٹا شدید زخمی ہوگئے تھے۔

فیصل آباد: ٹریکٹر ٹرالی اور ویگن میں تصادم‘ 5 افراد جاں بحق

یاد رہے کہ 29 ستمبر 2017 کو صوبہ پنجاب کے شہرفیصل آباد میں ڈجکوٹ کے قریب ٹریکٹر ٹرالی اورویگن کے درمیان تصادم کے نتیجے میں 5 افراد جاں بحق جبکہ 2 افراد زخمی ہوگئے تھے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں