چمن: پاک افغان سرحد پر کشیدگی کم کرنے کے لیے علماے کرام اور قبائلی مشران پر مشتمل 16 رکنی وفد افغانستان روانہ ہو گیا۔
تفصیلات کے مطابق علماے کرام اور قبائلی مشران پر مشتمل ایک سولہ رکنی وفد افغانستان روانہ ہوا ہے، جس کا مقصد پاک افغان سرحد پر کشیدگی کم کرنے کے لیے اپنا کردار ادا کرنا ہے۔
قبائلی رہنما ملک عبدالخالق اچکزئی نے اس سلسلے میں بتایا کہ یہ وفد گورنر قندہار محمد یوسف وفا سمیت دیگر اعلیٰ حکام سے ملاقاتیں کرے گا، اور سرحد پر کشیدگی کم کرنے پر زور دے گا۔
اس وفد میں ضلعی انتظامیہ کی طرف سے کوئی شامل نہیں ہے، افغانستان جانے والا وفد اپنی طرف سے گیا ہے۔
افغان ناظم الامور کی دفتر خارجہ طلبی : افغان فورسز کی بلااشتعال فائرنگ اور گولہ باری پر شدید احتجاج
یاد رہے کہ پاک افغان سرحد پر 11 ستمبر اور 15 دسمبر کو ہونے والے ناخوش گوار واقعات کے بعد سے علاقے میں کشیدگی پھیلی ہوئی ہے، افغان فورسز نے جارحیت کرتے ہوئے چمن کی شہری آبادی کو نشانہ بنایا تھا اور گولے پھینکے تھے۔
