کراچی: شہر قائد میں آج افطار سے قبل حلوہ پوری کی ایک دکان میں گیس سلنڈر پھٹنے سے دل دہلا دینے والا دھماکا ہوا، جس کی ویڈیو سامنے آ گئی ہے۔
تفصیلات کے مطابق کراچی کے علاقے لائنز ایریا، سیکٹر 2 بی میں ایک دکان میں گیس سلنڈر پھٹنے سے دھماکا ہوا، پہلے حلوہ پوری کی دکان میں آگ لگی اور پھر گیس سلنڈر پھٹ گیا۔
دھماکے سے دکان میں خوف ناک آگ بھڑک اٹھی، تاہم فائر بریگیڈ کی مدد سے آگ پر جلد قابو پا لیا گیا۔
ویڈیو: ڈرائیور کی خوفناک غلطی سے دل دہلا دینے والا ٹریفک حادثہ
اے آر وائی نیوز کے مطابق اس واقعے میں خوش قسمتی سے کوئی جانی نقصان نہیں ہوا، نہ ہی کوئی زخمی ہوا۔
لائنز ایریا میں افطار سے قبل حلوہ پوری کی دکان میں آگ بھڑک اٹھی، آگ لگنے سے سلنڈر میں زوردار دھماکا ہوا، خوش قسمتی سے واقعے میںکوئی جانی نقصان نہیں ہوا، نہ ہی کوئی زخمی ہوا۔ #Karachi #fire #Blast pic.twitter.com/OTwDQdJK69
— Nazir Shah (@SsyedHhussain) March 30, 2023
نذیر شاہ کراچی میں اے آر وائی نیوز سے وابستہ نمائندہ خصوصی ہیں، وہ 16 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔