افغانستان کے صوبہ کنڑ سے دہشت گرد کی بیوی نے اہم انکشافات کرتے ہوئے کہا ٹی ٹی پی صرف ان کو پیسے دیتی ہے جن کے نرینہ اولاد ہو یا جو ٹی ٹی پی کا قریبی رشتہ دار ہو۔
تفصیلات کے مطابق افغانستان کے صوبہ کنڑ سے دہشت گرد کی بیوی نے زمینی حقائق بیان کردیئے، اپنے بیان میں بتایا کہ کنڑ مرورہ میں ہمارا گھر ہے اور ہم باجوڑ سے آئے ہیں، شوہر طالبان کیساتھ دہشت گردی کرتا تھا، میں نے کالعدم ٹی ٹی پی کیساتھ کام کرنے سے اسے بہت منع کیا۔
دہشت گرد کی بیوہ نے اعتراف کیا کہ جو کچھ وہ کررہاتھا وہ غلط تھامگر وہ نہیں سمجھتا تھا ، اس کی کارروائیوں نے ہمیں ملک بدر کر دیا اور اب ہم در در کی ٹھوکریں کھا رہے ہیں۔
بیوہ نے مزید بتایا کہ پچھلےدنوں کالعدم ٹی ٹی پی والےاپنے لوگوں کوپیسےدےرہےتھے،ہمیں کچھ بھی نہیں دیا، میری 2 بچیاں ہیں لیکن کالعدم ٹی ٹی پی صرف ان کو پیسےدیتی جن کی نرینہ اولاد ہوں یا جو کالعدم ٹی ٹی پی کا قریبی رشتہ دارہوں مگر ہمیں کچھ بھی نہیں دیا۔
ان کا کہنا تھا کہ میں کئی بار فقیر ملا کے گھر گئی ہوں کہ مجھےکچھ دے دو مگرکچھ نہیں دیا، ہم بہت بے آسرا ہیں اور بھیک مانگ کرگزاراکررہےہیں۔
