بنکاک: تھائی فوج کے اسنائپر نے شہر کے معروف شاپنگ مال میں اندھا دھند فائرنگ کرکے اپنے کمانڈنگ آفیسر سمیت 12 افراد کو قتل کر دیا۔
بین الاقوامی میڈیا رپورٹس کے مطابق تھائی اسنائپر فوجی بیرک سے رائفل اور گاڑی چرا کر کورات شہر کے شاپنگ مال میں پہنچا اور فائرنگ شروع کردی۔
อิเหี้ย โคราชมีกราดยิงกลางเมืองแถวห้างเทอมินอล น่ากลัวสัส
กระจายข่าวด่วน พื้นที่อันตราย#กราดยิงทั่วเมืองโคราช#CUTUBALL74#ไวรัสอู่ฮั่น
https://t.co/tgsaEkUOOO— หมินเหมียน (@mhinbeauty) February 8, 2020
تھائی فوجی نے سوشل میڈیا کےذریعے براہ راست تباہی کو دیکھایا اور تصاویر بھی اپ لوڈ کیں، واقعے میں اب تک 12 افراد کے ہلاک ہونے کی تصدیق کی گئی ہے جس میں کمانڈگ آفیسر بھی شامل ہے۔
فائرنگ کے نتیجے میں 20 سے زائد افراد زخمی بھی ہیں جب کہ حملہ آور روپوش ہے جس کی تلاش کے لیے علاقے کو گھیر لیا گیا ہے، پولیس اور اسپیشل فورسز کے دستے علاقے میں موجود ہیں اور سرچ آپریشن جاری ہے۔
سوشل میڈیا پر شیئر ہونے والے واقعے کی ویڈیوز میں تباہی کے مناظر دیکھے جا سکتے ہیں اور شاپنگ مال سے گولیاں چلنے کی آوازیں سنائی دی جارہی ہیں۔