بنکاک: تھائی لینڈ میں ایک مسافر بردار طیارہ گر کر تباہ ہو گیا، جس میں چینیوں سمیت تمام 9 مسافر ہلاک ہو گئے۔
غیر ملکی میڈیا رپورٹس کے مطابق تھائی لینڈ میں ایک چھوٹا مسافر طیارہ دوران پرواز گر کر تباہ ہو گیا، جس میں سوار تمام 9 افراد ہلاک ہو گئے، چارٹرڈ فلائٹ میں عملے سمیت 5 چینی سیاح سوار تھے۔
حکام کا کہنا ہے کہ جمعرات کو بنکاک کے ہوائی اڈے سے اڑان بھرنے کے 11 منٹ بعد طیارے کا کنٹرول ٹاور سے رابطہ منقطع ہو گیا تھا، حادثے کی وجہ جاننے کے لیے انکوائری کمیٹی تشکیل دے دی گئی ہے۔
حادثے کے بعد کی ویڈیوز میں دیکھا جا سکتا ہے کہ ایک جنگل والے علاقے کے درمیان دلدل اور پانی میں جہاز کے ٹکڑے بکھرے پڑے ہیں، ہلاک مسافروں اور عملے کی لاشیں تلاش کی جا رہی ہیں۔
سیسنا کاروان C208B طیارے میں سوار افراد میں چین کے پانچ سیاح، دو پائلٹ، اور چار تھائی باشندے شامل تھے، طیارے کو حادثہ چاچوینگساو صوبے میں پیش آیا، مقامی گورنر کے مطابق ریسکیو ٹیموں کو کئی انسانی باقیات ملی ہیں، علاقہ دلدلی ہونے کی وجہ سے تلاش کا عمل میں مشکل پیش آ رہی ہے۔
حکام کا کہنا تھا کہ طیارہ فضا سے عمودی طور پر گرا تھا، جس کی وجہ سے زمین میں 10 میٹر (33 فٹ) تک کھدائی کرنی پڑے گی۔
