تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

کروناویکسین کی تیاری، چینی کمپنی نے بڑا دعویٰ کردیا

بیجنگ: ادویہ ساز چینی کمپنی نے دعویٰ کیا ہے کہ کروناوائرس کی ویکسین رواں سال کے اختتام پر حتمی طور پر تیار کرلی جائے گی اور مریضوں کے لیے مسیر بھی ہوگی۔

تفصیلات کے مطابق ’سینوفارم‘ نامی دوا بنانے والی چینی کمپنی کا کہنا ہے کہ ممکنہ طور پر کرونا ویکسین رواں برس کے آخر تک تیار ہوجائے گی۔ اس سے قبل مذکورہ کمپنی نے 2021 میں ویکسین کی تیاری کا امکان ظاہر کیا تھا۔

کمپنی کے چیئرمین ’لیو ژنگ ژین‘ نے مقامی میڈیا کو انٹرویو دیتے ہوئے بتایا کہ ہم آئندہ تین ماہ کے اندر انسانوں پر ویکسین کے تجربات کو مکمل کرلیں گے اور ویکسین سال کے آخر تک تیار ہوجائے گی۔

خیال رہے کہ مذکورہ ادویہ ساز کمپنی کروناویکسین کے دو پراجیکٹ پر کام کررہی ہے، گزشتہ ماہ ایک بیان میں کمپنی کا کہنا تھا کہ 2021 سے پہلے ویکسین تیار نہیں ہوسکتی کیوں کہ اس کٹھن مراحل میں بہت سی دشواریاں پیش آرہی ہیں۔

سینوفارم ویکسین ٹرائل کے تیسرے مرحلے میں داخل ہوچکی ہے جہاں 15 ہزار رضا کاروں نے حصہ لیا ہے جن پر ممکنہ ویکسین کے تجربات کیے جارہے ہیں اور اب تک مثبت نتائج دیکھے گئے ہیں۔

کروناویکسین کب متعارف کرائی جائے گی؟ آکسفورڈ یونیورسٹی کی پروفیسر نے بتادیا

قبل ازیں آکسفورڈ یونیورسٹی میں کروناویکسین پراجیکٹ کی سربراہی کرنے والی خاتون پروفیسر سارہ گلبرٹ نے کہا تھا کہ رواں سال کے اختتام تک کروناویکسین متعارف کرائی جاسکتی ہے۔

Comments

- Advertisement -