The news is by your side.

Advertisement

اوباش لڑکوں کی شرارت، مادہ ہنس دم توڑ گئی

لندن: برطانیہ میں اوباش لڑکوں کے ہاتھوں توڑے گئے انڈوں کا صدمہ مادہ ہنس برداشت نہ کرسکی، کئی دنوں سے بیمار رہنے والی ہنس دم توڑ گئی۔

غیرملکی خبررساں ادارے کی رپورٹ کے مطاق برطانوی شہر ’گیرٹر مانچسٹر‘ میں شرارتی لڑکوں نے ہنس کے گھونسلے میں پتھر مار کر انڈے توڑ دیے تھے، جس کے بعد سے مادہ ہنس شدید بیمار پڑگئی تھی۔

رپورٹ کے مطابق کئی دنوں سے بیمار رہنے والی ہنس بلآخر مردہ حالت میں پائی گئی۔ گیرٹر مانچسٹر میں ایک جزیرے کے مقام پر ہنس نے گھونسلا بنا رکھا تھا جس میں تقریباً 6 انڈے تھے، منچلو نے تین انڈے توڑ دیے تھے۔

محکمہ جنگلات کے ایک رضاکار کا کہنا ہے کہ اس واقعے کے بعد نر ہنس مایوس ہوکر کسی نامعلوم راستے پر نکل پڑا جبکہ مادہ ہنس بیمار پڑے رہنے کے بعد مرگئی، جس کے باعث محفوظ رہنے والے 3 انڈے بھی ضایع ہوگئے۔

عملے کے ایک اہلکار کا کہنا تھا کہ انسانوں کو جانور اور پرندوں سے محبت کرنی چاہیے، لڑکوں کے ہاتھوں انڈے توڑنے کا واقعہ انتہائی درد ناک ہے جس کا سن پر بہت افسوس ہوا تھا۔

Comments

یہ بھی پڑھیں