حکومت نے پیٹرول کی نئی قیمت کا اعلان کر دیا

اسلام آباد: وفاقی حکومت نے پیٹرول کی قیمت میں دو بار اضافے کے بعد اس میں معمولی کمی کرنے کا اعلان کر دیا۔

وزیر خزانہ اسحاق ڈار نے پریس کانفرنس کرتے ہوئے بتایا کہ پیٹرول کی قیمت میں 5 روپے فی لیٹر کمی کر دی گئی جس کے بعد اس کی نئی قیمت 272 روپے سے کم ہو کر 267 روپے فی لیٹر ہوگئی۔

اسحاق ڈار نے بتایا کہ ڈیزل کی قیمت 280 روپے فی لیٹر پر برقرار رہے گی، مٹی کے تیل کی قیمت میں 15روپے فی لیٹر کمی کر رہے ہیں جس کے بعد اس کی نئی قیمت 202 روپے 73 پیسے سے کم ہو کر 187روپے 73 پیسے ہوفی۔

انہوں نے بتایا کہ لائٹ ڈیزل آئل کی قیمت میں 12روپے فی لیٹر کمی کر دی اور اب اس کی 184روپے 68 پیسے فی لیٹر ہوگی۔ نئی قیمتوں کا اطلاق آج رات 12بجے سے ہوگا۔

Comments