اسلام آباد : حکومت نے قیام پاکستان کے 75 سال مکمل ہونے کی ڈائمنڈ جوبلی پر’’عزم عالی شان، شاد رہے پاکستان ‘‘ کے عنوان سے لوگو جاری کردیا۔
تفصیلات کے مطابق وزیراطلاعات مریم اورنگزیب نے سماجی رابطے کی ویب سائٹ ٹوئٹر پر قیام پاکستان کے 75 سال مکمل ہونے کی ڈائمنڈ جوبلی پر لوگو جاری کردیا۔
مریم اورنگزیب نے کہا کہ لوگو کاعنوان ہے’’عزم عالی شان، شاد رہے پاکستان ‘‘ہے، یہ پاکستان سے محبت اور عزم کی تجدید ہے کہ ہمارے بہادر اور عظیم بزرگوں اور شہداء نے جس عزم سے پاکستان بنایا تھا۔
ہم اپنے نوجوانوں کو فیصلہ ساز بنائیں گے۔ قیام پاکستان کی طرح ایک اسلامی فلاحی، ترقی یافتہ اور معاشی طور پر خودمختار پاکستان کا خواب بھی سچ ہو کر رہے گا۔ ان شاءاللہ۔ pic.twitter.com/zAxNHShtbS
— Marriyum Aurangzeb (@Marriyum_A) June 29, 2022
وزیراطلاعات نے پیغام میں کہا کہ اسی عزم کے ساتھ معاشی طور پر اسے مظبوط اور خودانحصار، فلاحی مملکت اور دفاعی لحاظ سے ناقابل تسخیر بنائیں گے تاکہ قیام پاکستان کے حقیقی مقاصد حاصل ہوں اور عوام کی زندگیوں میں وہ آسانیاں آئیں جن کا خواب برصغیر کے مسلمانوں نے دیکھا تھا۔
ان کا مزید کہنا تھا کہ ہم اپنے نوجوانوں کو فیصلہ ساز بنائیں گے ، قیام پاکستان کی طرح ایک اسلامی فلاحی، ترقی یافتہ اور معاشی طور پر خودمختار پاکستان کا خواب بھی سچ ہو کر رہے گا۔
