حکومت نے رواں سال ریگولر اسکیم کے تحت قرعہ اندازی کے بغیر تمام 72869عازمین کو حج پر بھیجنے کا اعلان کیا ہے۔
وزیر خزانہ اسحاق ڈار کا کہنا ہے کہ رواں سال حج کیلئےریگولر اسکیم کےتحت 44190 کا کوٹہ تھا حج کیلئے72869 درخواستیں جمع کرائی گئیں اور قرعہ اندازی کے بغیر تمام 72869عازمین حج کو بھیجا جائے گا۔
وزیرخزانہ نے کہا کہ وزیراعظم کی ہدایت پر اور وزیرمذہبی امور کی خواہش پر اقدام کیاگیا اس کیلئے اضافی وسائل اور زرمبادلہ کی ضرورت ہوگی۔
- Advertisement -
وزیرمذہبی امور مفتی عبدالشکور کا کہنا ہے کہ پاکستان سمیت دنیا بھر میں اسوقت معاشی بحران ہے درخواست دینے والے تمام عازمین کیلئے اجازت دینے پر شکریہ اداکرتاہوں پاکستان سمیت دنیا بھر میں اسوقت معاشی بحران ہے۔