بھارت میں دولہے نے اپنی شادی میں سسرال کی جانب سے جہیز میں اچھا فرنیچر نہ ملنے پر شادی سے انکار کردیا۔
بھارت ایسا انوکھا ملک ہے جہاں آئے روز ایسے واقعات رونما ہوتے ہیں جن کو سن اور پڑھ کر لوگ حیران رہ جاتے ہیں کبھی باراتیں واپس لوٹا دی جاتی ہیں، تو کبھی دولہا اور اس کے گھر والے اپنی مانگیں پوری نہ ہونے پر بھری محفل سے بارات واپس لے جاتے ہیں۔ ایسا ہی کچھ انوکھا ایک بار پھر بھارت میں ہوا ہے۔
یہ واقعہ حیدرآباد میں پیش آیا، جہاں سسرال کی جانب سے جہیز میں پرانا فرنیچر ملنے پر دلہے نے عین وقت پر شادی سے انکار کر دیا۔
ہوا کچھ یوں کہ اتوار کو دلہے کو پتا چلتا کہ اسے جہیز میں پرانا فرنیچر ملنے والا ہے جس کے بعد اس نے دلہن کے گھر جانے سے ہی انکار کردیا، جس کے بعد دلہن کے والد نے عین وقت پر شادی سے انکار پر دلہے کے خلاف مقدمہ درج کرایا۔
ویلنٹائن ڈے کے فوری بعد آنے والے 7 دلچسپ ایام
پولیس کے مطابق جہیز پر پابندی ایکٹ کی متعلقہ دفعات کے تحت مقدمہ درج کیا گیا ہے اور مزید تحقیقات جاری ہیں۔
بھارتی میڈیا کے مطابق دلہن کے والد کا کہنا تھا کہ جب میں شادی سے انکار کی وجہ پوچھنے دلہے کے گھر گیا تو لڑکے کے والد نے میرے ساتھ بدتمیزی کی۔
ان کا کہنا تھا کہ دلہے والوں نے جہیز میں جو سامان مانگا تھا میں غربت کی وجہ سے وہ مکمل طور پر انہیں نہیں دے سکا جبکہ دیا گیا فرنیچر بھی پرانا تھا جس وجہ سے لڑکے والوں نے شادی سے انکار کردیا۔
