معروف جریدے دی گارڈین نے مودی سرکار کی سیاسی مقاصد کے حصول کیلئے اوچھی سازشوں کا بھانڈا پھوڑ دیا۔
تفصیلات کے مطابق رام مندر پر مودی کی سیاسی چال سامنے آگئی، معروف جریدے دی گارڈین نے مودی سرکار کے سیاسی مقاصد کے حصول کیلئے اوچھی سازشوں کا بھانڈا پھوڑ دیا۔
دی گارڈین کی رپورٹ میں کہا گیا کہ رام مندرکی افتتاحی تقریب کی آڑمیں مودی اپنی الیکشن مہم کاآغازکررہاہے اور الیکشن جیتنے کے لیےمودی ہندوستان کی اسی فیصد ہندوعوام کے مذہبی جذبات کا استعمال کررہا ہے۔
معروف جریدے کا کہنا تھا کہ 2014 میں اقتدارمیں آتے ہی بھارت کوہندوراشٹربنانےکی مہم کاثبوت رام مندرسے مودی سرکارکی گہری وابستگی ہے۔
رپورٹ میں بتایا گیا کہ ہندوستان کی دیگرسیاسی جماعتوں نے مودی کی سیاسی چال کو بے نقاب کرتے ہوئے افتتاحی تقریب میں شرکت سے انکار کردیا جبکہ ہندوستان کے بڑے مندروں کے سربراہوں اورپنڈتوں نے بھی افتتاح کوغیر مذہبی قراردیتے ہوئے شرکت سےانکار کیا۔
دی گارڈین کے مطابق بی جے پی ایودھیا میں رام مندر کے افتتاح کو ہندوستان اور دنیا بھر میں اپنی مقبولیت بڑھانے کے لیے استعمال کررہی ہے۔
انتہا پسند ہندووٴں نے 1992 میں بابری مسجد کو شہید کردیا اور احتجاج کرنے والے ہزاروں مسلمانوں کو بھی شہید کردیا تھا۔
